Pizarro: "El Premiu Princesa ye un gran altavoz pa les enfermedaes desatendíes"

El Premiu Princesa de Cooperación Internacional llega a Asturies

El director executivu de la Iniciativa Medicamentos pa Enfermedaes Desatendíes, Luis Pizarro, solliñó esti martes que’l Premiu Princesa de Cooperación Internacional ye un "gran altavoz" pa facer más visibles a les persones que sufren dalguna de les enfermedaes escaecíes.

Estes fueron les primeres palabres de Pizarro a la so llegada, pasaes les 13:45, al Hotel de la Reconquista d’Uviéu, onde’l vienres recoyerá’l galardón nuna ceremonia nel Teatru Campoamor presidida polos reis d’España.

En declaraciones a los periodistes, agradeció la concesión del Premiu Princesa, porque dexa poner el focu nes enfermedaes desatendíes y, sobre manera, nes "persones que tán afectaes".